ArmeniaNow.com - Independent Journalism From Today's Armenia
 October 24, 2003 




ÐáÏï»Ùµ»ñÇ 27. ØÇ ù³ÝÇ ñá廪 ³Ñ³µ»ÏãáõÃÛáõÝ, ÙÇ ù³ÝÇ ï³ñÇ ÑÝãáÕ Ñ³ñóª ÇÝãDZ ѳٳñ



ÆÝùݳÏáã Ñ»ñáë ÐáõݳÝÛ³ÝÁ ÁÝûñóáõÙ ¿ Çñ Ñ»ñÃ³Ï³Ý áõÕ»ñÓÁ ³½·ÇÝ

Դատավարությունը սկսվելուց գրեթե երեք տարի և ոճրագործության պահից գրեթե չորս տարի հետո Նաիրի Հունանյանի և նրա գլխավորած հանցախմբի դատավարությունը, հնարավոր է, մոտենում է իր ավարտին:

1999 թ. հոկտեմբերի 27-ին Հունանյանը և նրա չորս հանցակիցները զինված հարձակում գործեցին Ազգային ժողովի վրա՝ սպանելով վարչապետ Վազգեն Սարգսյանին, Ազգային ժողովի խոսնակ Կարեն Դեմիրճյանին և բարձրաստիճան 6 այլ անձանց:

Մարդասպանների մեղքը կասկած չի հարուցում, քանի որ նրանց մահաբեր խրախճանքը նկարահանել են խորհրդարանի նիստը հեռարձակող հեռուստատեսային խցիկները:

Մեղադրող կողմի և զոհերի ընտանիքները ներկայացնող փաստաբանների միջև մոտ մեկ շաբաթ տևած վիճաբանություններից հետո սկսվեց վիճաբանությունների եզրափակիչ փուլը:

2001 թ. փետրվարին սկսված դատավարությունը հավանաբար ամենաերկարն է Հայաստանի և, թերևս, ամբողջ տարածաշրջանի պատմության մեջ:

Դատավարության ընթացքում եղան իսկական դատական դրամայի հազվադեպ պահեր, սակայն այն ավելի շատ հիշեցնում էր աբսուրդի թատրոն, մասնավորապես երբ անցյալ ձմռանը Հունանյանը փորձ արեց իր թեկնածությունն առաջադրել նախագահական ընտրություններում: Իսկ անցյալ ամիս նախկին լրագրող, ինքնակոչ հերոսը միջնորդություն արեց նախագահ Ռոբերտ Քոչարյանի պաշտոնանկության հարցը լսելու մասին:

Դատավարության առաջին նիստերն անցնում էին լեփ-լեցուն դահլիճում, իսկ դրսում պիկետներ էին կազմակերպվում, բայց ժամանակի ընթացքում հանրության հետաքրքրությունը նվազեց: Սակայն վերջին մի քանի նիստերին դահլիճը կրկին լեփ-լեցուն էր, քանի որ հասարակայնությունը և դատաիրավական համայնքը ակնկալում են դատավարության ավարտը: Սրան նպաստել էին նախորդ շաբաթ ընդդիմության հրավիրած հանրահավաքում իշխանությունների հասցեին հնչած մեղադրանքները, թե նրանք փորձում են կոծկել գործը, որպեսզի խուսափեն ցուցմունքներից, որոնք կարող են վկայել խորհրդարանի սպանություններին Քոչարյանի մեղսակցության մասին:

Հետաքրքրությունը դատավարության նկատմամբ բորբոքվել է նաև այն պատճառով, որ Հունանյանի դատավարության ընթացքում ներկայացված ցուցմունքներն ու վկայությունները առնչվում են սպանված հեռուստալրագրող Տիգրան Նաղդալյանի դատավարության հետ:

Հունանյանն իր նոր հանդիսականների ուշադրությունը գրավելու համար հանդես է գալիս տարբեր սենսացիոն հայտարարություններով ու նաև բանաստեղծությամբ, որից մի հատված ներկայացնում ենք.

Ես եկել եմ և ասում եմ ահա,
Հայկ Նահապետի սուրբ աջը վկա.
Չեմ թողնելու ձեզ բախտի քմայքին,
Մի բուռ խուժանի վավաշոտ կամքին,
Օտար, չարախինդ, թաքուն հեգնանքին
Դառնալու գերի, խաղք ու խաղալիք:

Եկել եմ, որ ձեր աչքի արցունքը
Իմ ձեռքով սրբեմ ու ընդմիշտ կտրեմ,
Ձեր օջախներից հալածեմ իսպառ
Հանապազօրյա զրկանք ու կարիք,
Ձեր թիկունքները ուղղեմ և շտկեմ,
Ցավից ծամածուռ դեմքերը հարթեմ,
Խառն ու պղտորված ձեր միտքը պարզեմ,
Օրենքի արդար կարգը հաստատեմ:

Եվ թող խոսքս դառնա մանանա...
...¶ործս կենդանի օրինակ դառնա,
Իջնի ու մնա ձեր աչքի առաջ:

Նաիրի Հունանյան
Բուն Հայոց 4496 թվ.
Մայր Քաղաք Երևան

Եթե դատավարության սկզբում Հունանյանն ընկալվում էր որպես բազմաշերտ անձնավորություն և իրենից որոշակի հետաքրքրություն էր ներկայացնում, ապա այսօր նա ընկալվում է որպես սովորական մարդասպան, և նա գիտակցում է այդ փոփոխությունը:

Դատավարության մեծ մասի ընթացքում Հունանյանը փորձում էր իրեն ներկայացնել որպես հայրենասերի, հեղափոխականի, մարդկանց համար ավետաբեր սուրհանդակի: Դատավարության հնարավոր ավարտի մոտենալու հետ Հունանյանը մի կողմ է նետել հերոսի իր հավակնությունները և փորձում է կետ առ կետ հերքել իրեն ներկայացված մեղադրանքները:

Դատավարությունն ընդհատվել էր վեց ամսով՝ հունվարի 15-ից մինչև հունիսի 15-ը:

Պաշտոնական հաղորդագրության համաձայն դատավարությունը սկզբում հետաձգվել էր դատավոր Ոôզունյանի հիվանդության պատճառով (շուրջ 3 ամիս), ապա ամբաստանյալ Վռամ ¶ալստյանի հիվանդության պատճառով: Կրկին ըստ պաշտոնական տեղեկությունների ¶ալստյանին բուժել են սրտի հիվանդությունից: Սակայն ¶ալստյանը պնդում է, որ իրեն ստիպողաբար դեղեր են ներարկել, որոնք նյարդային համակարգի խանգարում են առաջ բերել:

Քոչարյանի հակառակորդներն ասում են, որ դատավորի «հիվանդությունը» նախագահական ընտրությունների պաշտոնական մեկնարկից մի քանի օր առաջ պատահական չէր: Պատահական չէր նաև այն, որ ¶ալստյանն ապաքինվեց միայն մայիսին կայացած խորհրդարանական ընտրություններից հետո:

Դատավարության վերսկսվելուց հետո երեք մեղադրողներին ավելացավ դատախազության ևս մեկ ներկայացուցիչ՝ Կորյուն Փիլոյանը, որն էլ միջնորդեց կրճատել վկաների ցուցակը՝ բավարարվելով արդեն ցուցմունք տված վկաներով:

Մեղադրող կողմը հիմնավորում էր դա նրանով, որ հնարավոր կազմակերպիչները վերաբերում են «գործի անջատված մասին», և որ մնացած վկաները կարող են ցուցմունք տալ սպանությունների մասին և ոչ թե կազմակերպիչների:

Մինչև այժմ 129 դատակոչված վկաներից հարցաքննվել են միայն 28-ը: Դատավորը որոշում կայացրեց հօգուտ մեղադրող կողմի:

Դատավորի որոշմանը դեմ էին Սարգսյանի ու Դեմիրճյանի հարազատները և սպանված փոխխոսնակ Յուրի Բախշյանի այրին:

«Սա քաղաքական որոշում է: Դատարանը այս որոշումը պատրաստում էր ամբողջ 6 ամսվա ընթացքում, երբ դատավարությունը ընդհատված էր», ասաց Յուրի Բախշյանի այրին, որը լքեց դատարանի դահլիճը և ասաց, որ այլևս չի վերադառնա:

Դատարանի այս որոշումից խիստ դժգոհ է Կարեն Դեմիրճյանի ընտանիքի շահերի պաշտպան Աշոտ Սարգսյանը: Նրա հավաստմամբ բոլոր 129 վկաները զինվորական դատախազության մեղադրական եզրակացությամբ ներգրավվել էին որպես վկա այս գործով, և ոչ թե գործից անջատված մասով:

Աշոտ Սարգսյանը միջնորդեց դատարանին կանչելու մի քանի տասնյակ վկաների, սակայն դատարանը համաձայնեց դատակոչել միայն ևս 5 վկայի:

Քննարկելով ստեղծված իրավիճակը՝ Դեմիրճյանների ընտանիքը որոշեց այլևս չմասնակցել դատավարությանը:

«Ես համամիտ եմ իմ վստահորդների հետ, որ դատավարությունը իրոք ֆարս է, և անիմաստ է մնալ, ֆիզիկապես ներկա գտնվել այն դեպքում, երբ գործը գիտես և փորձում ես օգնել դատարանին բազմակողմանի, օբյեկտիվ քննություն կատարելու, սակայն դա հանդիպում է անհաղթահարելի խոչնդոտների», ասաց Աշոտ Սարգսյանը:

Մեղադրող կողմը Աշոտ Սարգսյանի քայլը «անհեռատես» անվանեց, իսկ դատավոր ՈՒզունյանը հայտարարեց, որ բոյկոտը հավանաբար ծրագրված էր դեռ մինչև իր որոշումը:

Սարգսյանը վերադարձավ դատարան հինգշաբթի օրը, որպեսզի հանդես գա եզրափակիչ ելույթով:

Վազգեն Սարգսյանի ընտանիքը հայտարարեց, որ մտադիր չէ բոյկոտել դատավարության մնացած մասը:

«Ի սկզբանե ասել եմ, որ դատավարությունը պատվիրված է իշխանությունների կողմից, և ընթանում է նրանց մշակած սցենարով», ասաց սպանված վարչապետ Վազգեն Սարգսյանի եղբայրը (որն ինքը հաջորդեց եղբորը և կարճ ժամանակով զբաղեցրեց հանրապետության երկրորդ բարձրագույն պաշտոնը):

Նրա գնահատմամբ իշխանությունները շահագրգռված չեն, որ դատավարությունը օբյեկտիվ ընթանա: Ըստ Սարգսյանի ապագա վկաները կարող էին արժեքավոր ցուցմունքներ տալ:

Իր հերթին վկաների հարցաքննությունը դադարեցնու մասին որոշմանը կողմ էր նաև ահաբեկիչների խմբի ղեկավար Նաիրի Հունանյանը՝ մեկ բացառությամբ: Նա կամենում էր, որ դատարանում ցուցմունք տար նախագահ Քոչարյանի նախկին խորհրդական, ներկայումս Հանրային հեռուստատեսության և ռադիոյի խորհրդի նախագահ Ալեքսան Հարությունյանը (վերջինս մեղադրյալների շարքում էր, սակայն մի քանի ամիս կալանքի տակ մնալուց հետո ազատ արձակվեց և ներկայումս զբաղեցնում է Նաղդալյանի պաշտոնը): Դատարանը չբավարարեց Հունանյանի միջնորդությունը:

Մի հայտարարություն էլ Հունանյանն արեց Տիգրան Նաղդալյանի ցուցմունքների կապակցությամբ: Նա ասաց, որ 27-ի գիշերը ինքը խոսակցություն է ունեցել Նաղդալյանի հետ, որի մասին մինչև օրս չի պատմել:

Հնարավոր է, որ Հունանյանին հաջողվի հետաքրքրություն մտցնել երկուսուկես տարի ձգված դատավարության մեջ՝ ակնարկելով Նաղդալյանի մասնակցությունը հայտնի դեպքերին:

Այնուհանդերձ ավելի քան երեք տարի անց ո՛չ հասարակայնությունը, ո°չ էլ դատարանը չեն մոտեցել այն միակ հարցի պատասխանին, որը մնացել է ոճրի տեսագրված վկայությունը ներկայացնելուց հետո, այն է՝

Արդյոք Հունանյանը և նրա խումբը գործել են ինքնուրու՞յն, թե՞ դավադրության մի մասն են կազմել:


According to Agnes
  Click here to enlarge.
Click on the photo above to enlarge.

  Inside
 

October 27: A few minutes of terror, a few years of asking why

Full story

 
 


October 27: Public outcry and the political impact of terrorism

Full story

 
 
 
 

The Tragedy of Trafficking: Organizations want to see a more active fight in Armenia

Full story

 
 
 

 


The Week in seven days

 
 


The Arts in seven days

 

  Photos of the week
  Click here to enlarge.
Click on the photo above to enlarge.
Click here to enlarge.
Click on the photo above to enlarge.
 
 
 
 

Surviving members of the legendary Ararat football team were reunited Friday October 24 for a match to mark the 30th anniversary of their Soviet league
championship and cup double-winning season in 1973. The team played an all-star former Soviet national side at Yerevan's Hrazdan stadium.

 

 





Copyright ArmeniaNow.com 2002-2024. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.